2024-nji ýylyň 6-njy dekabrynda Aba Annaýew adyndaky Halkara atçylyk akademiýasynda Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň “Hakyda göwheri” atly täze kitabynyň tanyşdyryş dabarasy geçirildi. Dabaranyň başynda Aba Annaýew adyndaky Halkara atçylyk akademiýasynyň talyplarynyň ýerine ýetirmeginde Gahryman Arkadagymyzyň ajaýyp eserlerini wasp edýän edebi-sazly kompazisiýa ýerine ýetirildi. Dabarada Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň ylmy işgäri, Döwletmämmet Azady adyndaky Arkadag şäher kitaphansynyň direktory, Türkmenistanyň at gazanan atşynasy, Aba Annaýew adyndaky Halkara atçylyk akademiýasynyň mugallymlary we talyplary çykyş etdiler.
Çykyş edenler “Täze kitapda merdana halkymyzyň asyrlaryň jümmüşine uzap gidýän şöhratly ýoly, dünýä ösüşine goşan ägirt uly goşandy, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilýär. Çünki Gahryman Arkadagymyzyň täze eseri halkymyzyň baý taryhy durmuşyndan söz açýan ylmy garaýyşlaryň beýanydyr. Täze kitabyň sahypalaryndaky: «Beýik ynsanlar beýik halky, beýik halklar bolsa beýik taryhy döredýärler.” diýen jümleler biziň her birimiziň Watançylyk duýgymyzy beýgeldýär” diýip bellediler. Dabaranyň dowamynda Ýurdumyzyň ussat aýdymçylarynyň we akademiýanyň bagtyýar talyplarynyň ýerin ýetirmeginde ajaýyp aýdymlar ýaňlandy. Dabara gatnaşyjylar halkymyzyň şöhratly taryhyndan, asylly durmuşyndan söz açýan dürdäne eserleri halkymyza sowgat berýän Gahryman Arkadagymyza, Arkadagly Gahryman Serdarymyza köp sagbolsunlar aýtdylar. Gahryman Arkadagymyzyň “Hakyda göwheri” atly kitabynyň halkymyza gowuşmagy bilen Gahryman Arkadagymyzy, Arkadagly Gahryman Serdarymyzy, ähli türkmen halkyny tüýs ýürekden gutlap, Gahryman Arkadagymyzyň mundan beýläkde galamynyň ýiti, döredijilik äleminde gadamynyň dowamatdowam bolmagyny, Türkmen halkynyň milli Lideri Gahrymany Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak il-ýurt bähbitli alyp barýan işleriniň hemişe rowaçlyklara beslenmegini arzuw etdiler.
Söýenç Ahmedow
Aba Annaýew adyndaky Halkara atçylyk
akademiýasynyň mugallymy, akademiýanyň
Magtymguly adyndaky Ilkinji Ýaşlar Guramasynyň başlygy