2024-nji ýylyň 27-nji dekabrynda Aba Annaýew adyndaky Halkara atçylyk akademiýasynda, Türkmenistanyň Magtymguly adyndaky Ýaşlar Guramasynyň Arkadag şäheriniň Geňeşiniň we Aba Annaýew adyndaky Halkara atçylyk akademiýasynyň bilelikde gurnamagynda Täze ýyl baýramy mynasybetli baýramçylyk çäresi geçirildi.
Baýramçylyk çäresine Aba Annaýew adyndaky Halkara atçylyk akademiýasynyň mugallymlary, talyp ýaşlary we Arkadag şäheriniň öňdebaryjy ýaşlary gatnaşdylar. Çäräniň dowamynda Arkadag şäheriniň we akademiýanyň talyplarynyň ýerine ýetirmeginde ajaýyp aýdymlar ýaňlandy. Çäräniň dowamynda talyp ýaşlaryň we mugallymlary ýürek buýsançlary täze ýyl gutlaglary ýazgy edildi.
Çykyş edenler Täze 2025-nji ýylyň bagtyýar ojaklara bagt, gülki şatlyk, egsilmez rysgal getirmegini, okamaga, öwrenmäge döretmäge ähli mümkinçilikleri döredip berýän, toý baýramlarymyzyň giňden toýlanmagyna ak ýol açýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler. Täze ýyl baýramy bilen Türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy ähli türkmen halkyny tüýs ýürekden mähirli gutladylar.
Söýenç Ahmedow
Aba Annaýew adyndaky Halkara atçylyk
akademiýasynyň mugallymy, akademiýanyň
Magtymguly adyndaky Ilkinji Ýaşlar Guramasynyň başlygy