Arkadag şäheriniň Görogly adyndaky döwlet atçylyk sirkinde geçirilen dabara, «Galkynyş» milli at üstündäki oýunlar toparynyň agzalary üçin aýratyn ýatdan çykmajak waka boldy. Bu dabara Türkmenistanyň Milli Lideri, Türkmenistanyň Halk Maslahatynyň Başlygynyň tabşyrygy boýunça guralyp, toparymyza uly ölçegdäki ýadygärlik fotosurat gowşuryldy hem-de Gahryman Arkadagymyzyň mähirli salamyny ýetirdiler. Bu hormat-sarpa biziň üçin diýseň buýsançly pursat boldy.
Mälim bolşy ýaly, «Galkynyş» topary halkara sirk sungaty festiwallarynda üstünlikli çykyş edip, Watanymyzyň at-abraýyny belende galdyrýar. Ýakynda Monte-Karlo şäherinde geçirilen festiwalda toparymyz altyn baýragy gazanyp, ýurdumyzyň sirk sungatynyň dünýä derejesindäki ornuny has-da pugtalandyrdy. Bu üstünlikler Gahryman Arkadagymyzyň we Arkadagly Gahryman Serdarymyzyň döredýän giň mümkinçilikleriniň miwesidir.
Gahryman Arkadagymyzyň toparymyza bolan üns-aladasy we berýän goldawy biziň üçin uly ruhlandyryjy güýç bolup durýar. Bu ynam we goldaw geljekde has-da ýokary sepgitlere ýetmek üçin bize itergi berýär. Biz, «Galkynyş» toparynyň agzalary, ajaýyp ahalteke bedewlerimiziň şan-şöhratyny dünýä ýaýmakda yhlasly zähmet çekip, Watanymyzyň at-abraýyny belende galdyrmaga dowam ederis.
Gahryman Arkadagymyzyň mähirli salamyny we ýadygärlik fotosuratyny kabul etmek biziň üçin uly hormatdyr. Bu taryhy pursat biziň ýüreklerimizde hemişelik saklanar we geljekki üstünliklerimize ruhlandyrar.
«Galkynyş» milli at üstündäki oýunlar toparynyň agzalary hökmünde bize döredilen mümkinçilikler we berilýän goldaw üçin Gahryman Arkadagymyza we Arkadagly Gahryman Serdarymyza çäksiz minnetdarlygymyzy bildirýäris. Biz, öz gezegimizde, ajaýyp bedewlerimiziň şan-şöhratyny dünýä ýaýmakda yhlasly zähmet çekip, Watanymyzyň at-abraýyny belende galdyrmaga dowam ederis.
Bu taryhy pursatlary ýatlap, geljekde has-da uly üstünliklere ýetmek üçin jan aýaman işlejekdigimize ynandyrýarys.
Lilianna ANNAÝEWA,
«Galkynyş» milli at üstündäki oýunlar toparynyň agzasy,
Aba Annaýew adyndaky Halkara atçylyk akademiýasynyň mugallymy
«Galkynyş» milli at üstündäki oýunlar toparynyň agzasy,
Aba Annaýew adyndaky Halkara atçylyk akademiýasynyň mugallymy