2024-nji ýylyň 20-nji sentýabrynda Aba Annaýew adyndaky Halkara atçylyk akademiýasynda “Garaşsyzlyk – baky bagtyýarlygyň hem-de döwlet berkararlygynyň binýady” atly Garaşsyzlygymyzyň 33 ýyllyk baýramy mynasybetli aýdym-sazly dabara geçirildi. Dabarada Türkmenistanyň Gahrymany, Birleşen Milletler Guramasynyň Bilim, ylym we medeniýet boýunça guramasynyň (ÝUNESKO)-nyň işleri barada Türkmenistanyň milli toparynyň jogapkär sekretary, Türkmenistanyň Adatdan daşary we doly ygtyýarly ilçisi Çynar Täjiýewna Rüstemowa, Türkmenistanyň Halk ýazyjysy, “Garagum” žurnalynyň bölüm redaktory Döwletgeldi Annamyradow, Türkmenistanyň Agrar partiýasynyň Arkadag şäheriniň komitetiniň başlygy, Türkmenistanyň Mejlisiniň deputaty Serdar Begmyradow we Aba Annaýew adyndaky Halkara atçylyk akademiýasynyň Kitaphanasynyň bölüm müdiri Aýjemal Baýramowa çykyş etdiler.
Çykyş edenler Türkmenistan Watanymyzyň Garaşsyzlyk ýyllary içinde gazanylan üstünlikler, ýetilen belent sepgitler, atçylyk pudagymyzyň ösüşi dogrysynda çykyş edip, türkmeniň beýik dana şahyry Magtymguly Pyragynyň arzuwlan ajap eýýamyny, bagtyýar durmuşy türkmen halkyna peşgeş beren Gahryman Arkadagymyza, Arkadagly Gahryman Serdarymyza çäksiz hoşallyklaryny beýan etdiler. Dabaranyň dowamynda Ýurdumyzyň görnükli aýdymçylarynyň, Aba Annaýew adyndaky Halkara atçylyk akademiýasynyň talyplarynyň ýerine ýetirmeginde ajaýyp aýdymlar ýaňlandy. Dabara gatnaşyjylar halkymyzyň ykbalyny galkyndyran, Watanymyzyň şöhratyna şan goșan bu dabaraly sene Garaşsyzlygymyzyň 33 ýyllyk baýramy bilen Gahryman Arkadagymyzy, Arkadagly Gahryman Serdarymyzy ähli türkmen halkyny tüýs ýürekden gutladylar. Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, tutumly başlangyçlarynyň hemişe rowaçlyklara beslenmegini arzuw etdiler.
Söýenç Ahmedow
Aba Annaýew adyndaky
Halkara atçylyk akademiýasynyň mugallymy