Aba Annaýew adyndaky Halkara atçylyk akademiýasynda “BERKARAR DÖWLETIŇ TÄZE EÝÝAMYNYŇ GALKYNYŞY: BILIMLI ÝAŞLAR BILEN ÖSÜŞIŇ BELENT MENZILLERINE TARAP” atly hoşallyk maslahaty geçirildi. Hoşallyk maslahatyna Arkadag şäher Magtymguly adyndaky Ýaşlar guramasynyň Geňeşi, Arkadag şäher Agrar partiýasynyň wekilleri, Berdimuhammet Annaýew adyndaky Arkadag şäher mugallymçylyk orta hünär okuw mekdebiniň we Saçly Dursunowa adyndaky Arkadag şäher lukmançylyk orta hünär okuw mekdebiniň mugallymlary we talyplary gatnaşdylar. Maslahatda çykyş edenler Berkarar döwletiň täze eýýamynyň Galkynyşy döwründe ýurdumyzda milli bilim ulgamyny özgertmek ugrunda alnyp barylýan giň möçberli işler hakynda belläp geçdiler.
Mälim bolşy ýaly Hormatly Prezidentimiziň parasatly baştutanlygynda amala aşyrylýan düýpli durmuş-ykdysady özgertmeleriň esasy maksady milli ykdysadyýetimiziň kuwwatyny artdyrmaga, halkymyzyň abadançylygyny üpjün etmäge gönükdirilendir. Bu günki gün Watanmyzyň geljegi bolan ýaş nesle durnukly ösüşiň we halkymyzyň döredijilik hyjuwynyň binýady hökmünde garalýar.
Maslahatda çykyş edenler Türkmen halkynyň Milli Lideri Gahryman Arkadagymyzyň Arkadag şäheriniň ruhyýet köşgünde ýurdumyzyň taryhy, ýaş nesliň borçlary barada geçen umumy sapagynyň taryhy ähmiýeti barada belläp geçdiler. Gahryman Arkadagymyzyň umumy sapakda türkmen ýaşlaryna beren öwüt-ündewleri maslahatyň dowamynda ýokary ruhubelentlik bilen bellenilip geçildi.
Maslahatyň ahyrynda oňa gatnaşyjylar ýurdumyzda Berkarar Diýarymyzy ösüşleriň röwşen ýoluna alyp barýan, ýurdumyzy bilimler mekanyna öwürýän Gahryman Arkadagymyza, Arkadagly Serdarymyza tüýs ýürekden alkyş aýtdylar!