717
Berkarar döwletiň täze eýýamynyň Galkynyşy döwründe Türkmen halkynyň milli Lideri Gahryman Arkadagymyzyň, Hormatly Prezidentimiz Akadagly Gahryman Serdarymyzyň saýasynda zenanlara goýulýan hormat-sarpa has-da belentliklere göterildi. Mähriban zenanlarymyzyň bagtyýar durmuşymyza buýsanyp ýaşamagy, üçin döwletimiz tarapyndan zerur bolan ähli şertlerdir mümkinçilikler döredilýär. Mähriban enelerimize, gelin-gyzlarymyza sarpa goýmak, olaryň mertebesini belent tutmak, edep-ekramyna, durmuş ýörelgelerine aýratyn hormat bilen garamak müňýyllyklardan gözbaş alyp gaýdýan milli ýörelgämizdir. Hormatly Prezidentimiz Arkadagly Gahryman Serdarymyz “Ýaşlar Watanyň daýanjy” atly kitabynda “Zenanlara hormat goýmak türkmen halkynyň gadymdan gelýän asylly ýörelgeleriniň biridir” diýip belleýär. Ajaýyp zamanamyzda täze many-mazmuna eýe bolan beýleki milli baýramçylyklar ýaly, Halkara zenanlar güni hem Ýurdumyzda milli däp-dessurlara laýyklykda giňden bellenilýär. Munuň özi ýurdumyzda zenanlara döwletimiz tarapyndan aýratyn üns berilýändiginiň aýdyň subutnamasydyr.
2024-nji ýylyň 5-nji martynda Aba Annaýew adyndaky Halkara atçylyk akademiýasynda Halkara zenanlar güni mynasybetli dabara geçirildi. Akademiýada zähmet çekýän hünärmenlere bilim alýan talyp ýaşlara Hormatly Prezidentimiziň adyndan pul sowgatlary gowşuruldy. Dabaranyň dowamynda çykyş edenler zenanalarymyzy bu baýramçylyk mynasybetli mähirli gutladylar. Akademiýanyň bagtyýar talyplarynyň ýerine ýetirmeginde edebi sazly kompazisiýa, zehinli aýdymçylaryň ýerine ýetirmeginde ajaýyp aýdymlar ýaňlandy. Türkmenistan Watanymyzda hormatly Prezidentimiziň sahawatly saýasynda asuda, abadan, eşretli günleriň hözirini görüp ýaşaýan gelin-gyzlara okamak, maşgala döretmek, zähmet çekmek üçin ähli mümkinçilikler döredilendir. Abadan, bagtyýar, asuda durmuşymyz üçin türkmen gelin-gyzlarynyň hormatly Prezidentimize aýdýan alkyş-sözleri çäksizdir. Dabaranyň ahyrynda oňa gatnaşyjylar Mähriban enelerimize, gelin gyzlarymyza çäksiz sarpa goýýan, olaryň mertebesini belentde tutmakda, edep-ekramyna, tämiz at-abraýynaaýratyn hormat bilen garaýan Gahryman Arkadagymyza, Arkadagly Gahryman Serdarymyza çäksiz alkyşlaryny beýan etdiler.
Söýenç Ahmedow
Aba Annaýew adyndaky Halkara atçylyk akademiýasynyň
Ýaş alymlar Geňeşiniň başlygy
