Bu fakultetde talyplar oba hojalygynyň ykdysadyýeti we dolandyrylyşy we buhgalterçilik hasaba alnyşy we audit (oba hojalygynda) ýaly taýýarlyk ugurlary boýunça bilim alýarlar.
Oba hojalygynyň ykdysadyýeti we dolandyrylyşy taýýarlyk ugry boýunça bilim alýan talyplara ykdysady nazaryýet, sanly ykdysadyýet, statistika, atçylygyň guralyşy we ykdysadyýeti, weterinariýa işiniň guralyşy we ykdysadyýeti we oba hojalygynyň ykdysadyýeti ýaly dersler boýunça sapaklar döwrebap enjamlaşdyrylan okuw otaglarynda alnyp barylýar. Nazary bilimleri has-da berkitmek maksady bilen häzirkizaman atçylyk sport toplumlarynda, atçylyk ylmy önümçilik merkezinde okuw we önümçilik tejribelikleri geçýärler.
Buhgalterçilik hasaba alnyşy we audit (oba hojalygynda) taýýarlyk ugry boýunça okaýan talyplary atçylykda telekeçiligi guramak we dolandyrmak, oba hojalygynda telekeçiligi guramak we dolandyrmak, buhgalterçilik hasaba alnyşyň nazaryýeti, salgytlar we salgyt almak, audit, hojalyk işleriniň seljermesi we oba hojalygynda buhgalterçilik dolandyryşyň hasaba alnyşy, daşary ykdysady iş, maýa goýumlaryň nazaryýeti we atçylyk hojalyklarynyň guralyşy we dolandyrylyşy ýaly dersleri özleşdirýärler. Talyp ýaşlar bazar ykdysadyýeti şertlerinde buhgalterçilik hasaba alnyşynyň we maliýe hasabatynyň halkara ülňülerine laýyklykda alnyp barylmagyny, kärhanalarda buhgalter hasabynyň guralyşyny öwrenýärler.