Berkarar döwletiň täze eýýamynyň Galkynyşy döwründe ýurdumyzyň ähli künjeklerinde, halkymyzyň buýsanjy bolan ahalteke bedewleriniň we türkmen alabaýlarynyň arassa ganlylygyny gorap saklamak, olary dünýäde giňden wagyz etmek, degişli taryhy maglumatlary toplamak boýunça yzygiderli çäreler geçirilýär. Aba Annaýew adyndaky Halkara atçylyk akademiýasynda hem 2024-nji ýylyň 20-nji ýanwarynda Halkara «Türkmen alabaý itleri» assosiýasiýasynyň we Halkara ahalteke atlary assosiýasiýasynyň bilelikde gurnamagynda Russiýanyň Kinologiýa federasiýasynyň çempionadynda türkmen alabaýynyň iki ugur boýunça gazan ýeňişleri mynasybetli hoşallyk maslahaty geçirildi.
Hoşallyk maslahatyň dowamynda Ak dost atly alabaýyň Russiýanyň Kinologiýa federasiýasynyň çempionadynda arassa ganlylygy, owadanlygy, ünsliligi hem buýrugy ýerine ýetirmek ukyby üçin ýeňiji bolandygyny çykyş edenler aýratyn buýsanç bilen nygtadylar. Bu barada aýtmak bilen çykyş edenler milli gymmatlyklarymyzy halkara giňişliginde hemme taraplaýyn wagyz edilýändigi ugrunda döwlet derejesinde uly ähmiýet berilýändigi üçin Gahryman Arkadagymyza hem-de Arkadagly Gahryman Serdarymyza hoşallyk sözlerini beýan etdiler.
Ak dost atly türkmen alabaýynyň Russiýanyň Kinologiýa federasiýasynyň çempionadynda iki ugur boýunça gazan ýeňişleri bilen Gahryman Arkadagymyzy, Arkadagly Gahryman Serdarymyzy hem-de bütin türkmen halkymyzy tüýs ýürekden gutladylar.
Hoşallyk maslahatynyň ahyrynda oňa gatnaşyjylar milli buýsanjymyz hasaplanylýan türkmen alabaýynyň şan-şöhratyny dünýä ýaýmak, bu gymmatly baýlygymyzy geljekki nesillerimize miras galdyrmak barada giň gerimli işleri durmuşa geçirýän Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, belent başlarynyň aman bolmagyny, döwlet ähmiýetli tutýan tutumly işleriniň rowaçlyklara beslenmegini arzuw etdiler.
Daýanç Myradow
Aba Annaýew adyndaky Halkara
atçylyk akademiýasynyň mugallymy