Gahryman Arkadagymyzyň pähim paýhasyndan dörän sebitde ilkinji akylly şäher Arkadag şäheri – ýaşlaryň, bagtly geljegiň şäheridir. Bu ýerde ýaşlaryň döwrebap derejede bilim almaklary üçin ähli mümkinçilikleri göz öňünde tutulan ýokary okuw mekdebiniň şeýle hem orta hünär okuw mekdepleriniň birnäçesiniň gurlup ulanylmaga berilmegi geljekde ýaşlaryň döwrüň talaplaryna doly laýyk gelýän kämil hünärmenler bolup ýetişmekleri üçin giň ýol açdy.
Ine şeýle bagta mynasyp bolan Arkadag şäheriniň görküne görk goşup oturan Aba Annaýew adyndaky Halkara atçylyk akademiýasynyň ýaş zehinli talyplary Gahryman Arkadagymyzyň, Arkadagly Gahryman Serdarymyzyň ýaş nesiller üçin edýän bimöçber aladasyna jogap edip özleriniň ylym-bilimlerini, ukyp başarnyklaryny, yhlaslaryny gaýgyrman medeni-köpçülikleýin çäreler bilen bir hatarda halkara we döwlet derejesinde geçirilýän ders bäsleşiklerine hem yzygiderli gatnaşyp üstünlikli çykyş edýärler. Ýagny Türkmenistanyň Bilim minstrliginiň ýokary okuw mekdepleriniň talyp ýaşlarynyň arasynda okuw dersleri boýunça geçiren Döwlet bäsleşiginde 3 sany ikinji orna, 6 sany üçünji orna, ýokary okuw mekdepleriniň talyplarynyň arasynda geçirilen okuw dersleri boýunça bäsleşikde 5 sany ikinji orna, 10 sany üçünji orna, mynasyp boldylar.
Ýokary okuw mekdebimiziň talyplarynyň Halkara derejesinde geçirilýän bäsleşiklerde hem baýrakly orunlaryň birnäçesine 2 sany birinji orna, 3 sany ikinji orna, 10 sany üçünji orna mynasyp bolmagy örän buýsandyryjydyr.
Ynha şu mynasybetli akademiýamyz tarapyndan Berkarar döwletiň täze eýýamynyň Galkynyşy döwründe döredilen mümkinçiliklerden peýdalanyp halkara we döwlet derjesinde geçirilen ders bäsleşiklerinde üstünlikli çykyş edip baýrakly orunlara mynasyp bolan talyp ýaşlarymyza şeýle hem ýaş nesilleriň kämil ylymly-bilimli, ýokary ahlakly hem-de watançy ýaşlar bolmagy üçin goşandyny we talyplary halkara hem-de döwlet derejesinde geçirilýän ders bäsleşiklerine taýýarlan mugallymlara Hormat hatlary şeýle hem gymmat bahaly sowgatlar bilen sylaglamak dabarasy geçirildi.
Mähriban Watanymyzda ýaşlaryň döwrebap, kämil derejede bilim almaklary hemde ukyply, sanly ulgamdan doly baş çykaryp bilýan şahsyýetler bolup ýetişmekleri ugrunda döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza tüýs ýürekden çäksiz alkyş aýdýarys. Goý Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutymly işleri rowana ýollarda rowaç bolsun.
Çaryýew Söhbet
Aba Annaýew adyndaky Halkara atçylyk
akademiýasynyň mugallymy