TÄZE ÝYL BAÝRAMY-ŞATLYGYŇ BAÝRAMY

Şu günler Türkmen Halkynyň Milli Lideri Gahryman Arkadagymyzyň, Arkadagly Gahryman Serdarymyzyň taýsyz tagallalary bilen mähriban halkymyz Täze 2024-nji ýylyň şanly baýramçylygyny uly zähmet üstünliklerine besleýär. 2023-nji ýyl eziz Watanymyzyň durmuşynda üstünliklere beslenen  “Arkadag Serdarly bagtyýar ýaşlar ýyly” ýurdumyzda ýatdan çykmajak ýyllaryň biri boldy. Gahryman Arkadagymyzyň, Arkadagly Gahryman Serdarymyzyň  parasatly ýolbaşçylygynda ýetilen sepgitler, gazanylan üstünlikler barada oýlananyňda göwün guşuň ganatlanyp, buýsançly başyň gök direýär. Çünki ýyllar ýyllardan bereketli, şöhratly-şanly. “Arkadag Serdarly bagtyýar ýaşlar ýylynda” hem ýurdumyzyň ähli ulgamlarynda gazanylan uly ösüşler, bitirilen beýik işler bedew batly döwletimiziň mübärek täze ýyla üstünlikli gadam basýandygyna aýdyň güwä geçip, ruhuňy belende göterýär.

 

 

Täze ýyl baýramçylygynyň ýurdumyzda giňden bellenilip geçilýän günlerinde biziň Aba Annaýew adyndaky Halkara atçylyk akademiýamyzda hem täze ýyl baýramçylygy giňden uly şatlyk, şowhun bilen bellenilip geçildi. Ýokary okuw mekdebimiziň ýapyk manežinde geçirilen baýramçylyk dabarasynda ýurdumyzyň meşhur aýdymçylary Watanymyzyň täze taryhy eýýamyny, täze ýyl arzuwlaryny beýan edýän we wasp edýän aýdymlary ýerine ýetirdiler. Bulardan başgada bu baýramçylyk dabaramyzda ýurdumyzda meşhur topar bolan “Galkynyş” milli at üstündäki oýunlar toparynyň hem-de talyp ýaşlarymyzyň çykyşlary giňden ýaýbaňlandyryldy. Munuň özi bolsa baýramçylyk şowhununy has-da artdyrdy we baýramçylyga aýratyn öwüşgin çaýdy.

 

 

Baýramçylyk dabarasyna gatnaşanlar Arkadagly Gahryman Serdarymyzy, Gahryman Arkadagymyzy ýurdumyzyň ähli halkyny Täze ýyl baýramy bilen gutlap, ýurdumyzy bedew bady bilen ynamly öňe alyp barýan  Türkmen halkynyň milli Lideri ýaşlaryň hak howandary Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak belent maksatlarynyň elmydama rowaçlyklara beslenmegini tüýs ýürekden arzuw etdiler.