«Arkadag Serdarly bagtyýar ýaşlar» ýylynda Arkadagly Gahryman Serdarymyzyň parasatly baştutanlygynda Garaşsyz, hemişelik Bitarap ýurdumyzda amala aşyrylýan beýik işlere, şöhratly menzillere, eziz Diýarymyzyň her gününi bezeýän ajaýyp wakalara halkymyz tüýs ýürekden guwanýar hem-de buýsanýar.
Arkadagly Gahryman Prezidentimiziň baştutanlygynda Berkarar döwletiň täze eýýamynyň Galkynyşy döwründe ýurdumyzyň döwletlilik binýadynyň berkemegi, ykdysady kuwwatynyň has-da artmagy, halkymyzyň ýaşaýyş-durmuş derejesiniň ýokarlanmagy babatda geljegi uly meýilnamalar amala aşyrylýar.
2023-nji ýylyň 10-njy noýabrnda Aba Annaýew adyndaky Halkara atçylyk akademiýasynyň gurnamagynda HASYL TOÝY mynasybetli “TÜRKMENISTAN – BEREKEDIŇ MEKANY” atly dabaraly maslahat geçirildi.
Mälim bolşy ýaly, Berkarar döwletiň täze eýýamynyň Galkynyşy döwründe ýurdumyzyň oba hojalyk pudagynda gazanylýan oňyn özgertmeler döwrüň ruhy bilen kemal tapýar. Şeýle giň möçberli maksatnamalaýyn işleriň netijesinde bu iri pudakda belent sepgitler gazanylyp, toprakdan bol hasyl alynýar. Sahawatly türkmen topragynyň hasyllylygyny, saçaklarymyzyň berekedini hem egsilmez rysgalyny alamatlandyrýan Hasyl toýy beýik maksatlara ruhlandyrýan milli baýram hökmünde her ýyl uly joşguna beslenip, dabaralanýar.
Hasyl toýy ýedi hazynanyň biri bolan mukaddes türkmen topragynda, ösdürilip kemala getirilen her bir ekiniň hasylynyň toýudyr. Oba zähmetkeşleriniň gazanan üstünlikleriniň şanyna toýlanylýan Hasyl toýunda edermen daýhanlarymyzyň yhlasly zähmetiniň miwesi özboluşly beýan tapýar. Şeýle toýlaryň ýygy-ýygydan geçirilip durmagy we dabaraly bellenmegi, oba hojalyk pudagynyň ösmegine badalga berýär hem-de daýhanlaryň ruhyny belende göterýär.
Bu geçirilen dabaraly maslahatda, Arkadagly Gahryman Serdarymyzyň durmuşa geçirýän parasatly syýasatynyň halkymyzyň bagtyýar ýaşamagy hakyndaky aladasynyň many-mazmuny bilen utgaşyp, şeýle döwletli tutumlaryň başynda duran türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak, işleriniň rowaç bolmagy arzuw edildi.
Annaguly Babaýew
Aba Annaýew adyndaky Halkara atçylyk akademiýasynyň mugallymy