«Halkara parahatçylyk we ynanyşmak» ýylynda Türkmenistanyň hemişelik Bitaraplygynyň 30 ýyllyk baýramy mynasybetli Aba Annaýew adyndaky Halkara atçylyk akademiýasynyň gurnamagynda ýurdumyzyň ýokary okuw mekdepleriniň talyplarynyň arasynda «Bitaraplyk synmaz ýoly türkmeniň» atly makala ýazmak boýunça döredijilik bäsleşigi geçirildi. Döredijilik bäsleşigine ýurdumyzyň 23 sany ýokary okuw mekdebinden jemi 57 sany talyp özleriniň makalalary bilen gatnaşdy. Geçirilen bäsleşiginiň esasy maksady Gahryman Arkadagymyzyň, Arkadagly Gahryman Serdarymyzyň alyp barýan parasatly we öňdengörüjilikli syýasatyny ýaşlaryň arasynda wagyz etmekden, döwletimiziň hemişelik Bitaraplyk hukuk derejesiniň halkara dost-doganlyk gatnaşyklaryny berkitmekdäki ähmiýetini açyp görkezmekden, Halkara Bitaraplyk güni we Watanymyzyň hemişelik Bitaraplygynyň 30 ýyllyk baýramyny dabaralandyrmakdan, Bitaraplygyň türkmen nusgasynyň aýratynlyklaryny beýan etmekden, talyp ýaşlaryň döredijilik başarnyklaryny ösdürmekden, ýurdumyzyň ýokary okuw mekdepleriniň arasynda döredijilik hyzmatdaşlygyny ýokarlandyrmakdan, döredijilik bilen meşgullanýan ýaşlary goldamakdan we höweslendirmekden ybaratdyr.
Maksat Garýagdyýew,
Aba Annaýew adyndaky Halkara atçylyk akademiýasynyň mugallymy