Şeýle at bilen 30-njy oktýabrda Aba Annaýew adyndaky Halkara atçylyk akademiýasynyň uly mejlisler zalynda aýdym-sazly dabaraly maslahat geçirildi. Maslahat Türkmenistanyň Inžener-tehniki we ulag kommunikasiýalar institutynyň professor-mugallymlarynyň we talyp ýaşlarynyň gatnaşmagynda bilelikde geçirildi. Maslahatyň dowamynda çykyş edenler Berkarar döwletiň täze eýýamynyň Galkynyşy döwründe Gahryman Arkadagymyzyň başyny başlan beýik özgertmelerini Arkadagly Gahryman Serdarymyzyň üstünlikli dowam etdirmegi netijesinde ýurdumyzyň ösüşleriniň ýokary derejelere çykarylýandygyny buýsanç bilen belläp geçdiler. Täze taryhy eýýamda ýurdumyzyň ähli ulgamlarynda gazanylýan beýik ösüşler halkymyzyň bähbidine gönükdirilen ösüşlerdir.
Arkadagly Gahryman Serdarly bagtyýar ýaşlar ýylynyň her bir güni uly üstünliklere beslenmegi döwletimizde adam hakynda edilýän aladalaryň aýdyň nyşanydyr. Çünki diňe şu ajaýyp ýylymyzda Türkmenistanyň daşary syýasatda gazanan belent üstünlikleri diňe bir türkmen halkynyň däl, eýsem umumy adamzadyň bähbidine gönükdirilen beýik maksatly özgertmelerdir. Bu bolsa ýurdumyzyň geljekde beýik ösüşleri nazarlaýan asylly ýörelgeleriniň ynamly ädimler bile öňe ilerleýändiginiň aýdyň subutnamasydyr.
Maslahatyň dowamynda çykyş edenler bular dogrusynda giňişleýin belläp geçmek bilen, ajaýyp ýylymyzda gazanylan belent üstünlikleri anyk maglumatlar bilen maslahata gatnaşyjylara ýetirdiler. Maslahatyň dowamynda iki ýokary okuw mekdebiniň talyp ýaşlarynyň ýerine ýetirmegine joşgunly aýdym – sazlaryň ýaňlanmagy maslahatyň şowhunyny has-da artdyrdy. Maslahatyň ahyrynda oňa gatnaşyjylar ajaýyp zamanany peşgeş bereni üçin Gahryman Arkadagymyza, Arkadagly Gahryman Serdarymyza tüýs ýürekden alkyş aýtdylar.
Atanur Klyşow
Jemgyýeti öwreniş ylymlary kafedrasynyň müdiri