2024-nji ýylyň 15-nji iýulynda Aba Annaýew adyndaky Halkara atçylyk akademiýasynyň “Ahalteke atlary-parahatçylygyň ilçileri” atly ÝUNESKO klubynyň gurnamagynda Magtymguly Pyragynyň doglan gününiň 300 ýyllygy mynasybetli “Medeni mirasymyz milli baýlygymyz” atly intellektual zehin bäsleşigi geçirildi.
Bu bäsleşige Aba Annaýew adyndaky Halkara atçylyk akademiýasynyň talyp ýaşlary gatnaşdylar. Bäsleşikde ýokary okuw mekdebiniň Atçylyk fakulteti we Atçylygyň weterinariýasy fakultetiniň talyplaryndan düzülen jemi 2 topar öz aralarynda bäsleşdiler.
Bäsleşigiň netijeleri boýunça ýeňijilere we işjeň gatnaşyjylara ýadygärlik sowgatlar we Hormat hatlary gowşuryldy. Bäsleşige gatnaşyjylar türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza hoşallyk sözlerini beýan edip, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, işleriniň elmydama rowaç bolmagyny arzuw etdiler.
Nowruz Myratdurdyýew
Aba Annaýew adyndaky Halkara
atçylyk akademiýasynyň Jemgyýeti
öwreniş ylymlary kafedrasynyň
mugallym-öwrenijisi